Snapchat Sun’iy intellektga asoslangan chatbotni taqdim etadi  

So’nggi yangiliklarga ko’ra, Snapchat ham Sun’iy intellekt yaratish poygasida ortda qolmoqchi emas ko’rinadi. Chunki u  sharhlar uchun o’zining AI chatbotini taqdim etadi, ammo ba’zilar uning ijtimoiy media ilovasida mashhur bo’la olishi to’g’risida tanqidlarni bildirishga ham allaqachon ulgurishdi.

U OpenAI kompaniyasiga tegishli hamda Microsoftning Bing qidiruv tizimiga integratsiya qilingan GPT-dan quvvatlanadi. My AI (ya’ni Mening Sun’iy intellektim) deb nomlangan funksiya foydalanuvchilarning chat tasmalarining yuqori qismiga biriktirilgan bo’lib, uni faqat pulli obunachilar ishlatishi mumkin.

Bu esa Internetda tanqidlarga sabab bo’ldi, chunki ilova joylashuv ma’lumotlaridan qanday foydalanishi haqida ba’zi chalkashliklar paydo bo’ldi.

Snapchat My AIni savollarga javob berish, maslahat berish yoki sayohatlarni rejalashtirish kabi vazifalarni bajara oladigan “eksperimental, do‘stona, chatbot” deb atadi. Ammo u bu vosita har doim ham toʻgʻri boʻlavermasligi va uning javoblarida “noxolis, notoʻgʻri, zararli yoki chalgʻituvchi kontent boʻlishi mumkin” deb tan oldi.

My AI butun dunyo bo’ylab millionlab foydalanuvchilarga tarqatildi, birinchi navbatda pullik obunachilarga taqdim etildi. Buyuk Britaniyada oyiga 3,99 funt sterling turadigan Snapchat+ uchun to‘lash orqali foydalanuvchilar sozlash xususiyatlaridan, jumladan, mahkamlash va olib tashlash funksiyalaridan, jumladan My AI dan foydalanish imkoniyatiga ega bo‘ladilar.