OpenAI 25-aprel kuni ChatGPT foydalanuvchilariga chat tarixini o’chirishga imkon beradigan yangi funksiyalarni qo’shishni boshladi. Chat tarixi o’chirilgan paytda bo’lib o’tadigan har qanday suhbatlar OpenAI modellarini o’rgatish yoki “history” yon panelida paydo bo’lishi maqsadida ishlatilmaydi, deb yozadi kompaniya blog postida. OpenAI yangi suhbatlarni 30 kun davomida saqlab turishini aytdi, ammo ularni suiiste’mol qilish holatlari kuzatilganda ko’rib chiqishi mumkinligini ta’kidladi.
ChatGPT foydalanuvchilariga o’tgan oy boshqa odamlarning suhbatlariga qisqacha muddatga kirish huquqini bergandagi xatodan keyin, Italiya chatbotni maxfiylik masalalari bo’yicha taqiqlagan birinchi davlat bo’ldi. “Umid qilamizki, bu bizning mavjud rad etish jarayonimizga qaraganda ma’lumotlaringizni boshqarishning osonroq usulini beradi”, deb yozgan OpenAI postda. Kompaniya foydalanuvchilar istalgan vaqtda chat tarixi sozlamalarini o’zgartirishi mumkinligini qo’shimcha qildi. OpenAI shuningdek, yangi variantni e’lon qildi, bu foydalanuvchilarga suhbatlarini eksport qilishni osonlashtiradi. Kompaniya ma’lumotlariga ko’ra, suhbatlarini eksport qiladigan foydalanuvchilar ma’lumotlarni elektron pochta orqali fayl shaklida olishadi.
ChatGPT avtomatik ravishda yozma ko’rsatmalar asosida matnni Silikon vodiysining o’tmishidagi chatbotlarga qaraganda ancha rivojlangan va ijodiy tarzda yaratadi. Dastur noyabr oyi oxirida debyut qilgan edi va tezda virusli shov-shuvga aylanishga ulgurdi.
Eng ko’p o’qilgan maqolalar