Google DeepMind nima?

Ushbu maqola orqali siz DeepMind jamoasi va ularning vazifalari haqida bilib olasiz.

Sun’iy intellekt insoniyatning eng foydali ixtirolaridan biri bo’lishi mumkin…

(DeepMind jamoasi tomonidan maxsus maqola)

Biz o’zi kimmiz?

Biz aql-idrok masalalarini hal qilishga, ilm-fanni rivojlantirishga va insoniyatga foyda keltirishga intilgan olimlar, muhandislar, axloqshunoslar va boshqalar jamoasimiz.

Bizning hikoyamiz

Bizni har doim inson aql-zakovati hayratda qoldirdi – u biz yashayotgan zamonaviy dunyoni shakllantirgan.

Intellekt bizga o’rganish, tasavvur qilish, hamkorlik qilish, yaratish, muloqot qilish va boshqa ko’p narsalarni qilish imkonini beradi. Aql-idrokning turli jihatlarini yaxshiroq tushunish orqali biz ushbu bilimlardan ilhom sifatida foydalanishimiz mumkin. Odamlar o’zlari uchun qiyin muammolarga yechim topishni o’rganadigan yangi kompyuter tizimlarini qurishdi.

Koinotga chuqurroq qarashimizga yordam bergan Hubble teleskopi singari vositalar allaqachon inson bilimini kengaytirmoqda va global miqyosda ijobiy ta’sir ko’rsatmoqda. Bizning uzoq muddatli maqsadimiz – sun’iy umumiy intellekt (AGI) deb nomlanuvchi muammolarni hal qilish tizimlarini ishlab chiqish.

Xavfsizlik va axloq qoidalariga amal qilgan holda ushbu ixtiro jamiyatga dunyodagi eng dolzarb va fundamental ilmiy muammolarga javob topishda yordam berishi mumkin.

Biz qayerdan boshladik?

Biz 2010-yilda DeepMindni ishga tushirganimizda sun’iy intellekt sohasiga hozirgidan ko’ra kamroq qiziqish bor edi.

Sohani jadallashtirish uchun biz fanlararo yondashuvni qo’lladik, mashinalarni o’rganish, nevrologiya, muhandislik, matematika, simulyatsiya va hisoblash infratuzilmasidagi yangi g’oyalar va yutuqlarni, shuningdek, ilmiy ishlarni tashkil etishning yangi usullarini ham birlashtirdik.

Biz AI(sun’iy intellekt)ni sinab ko’rish uchun dastlab tez-tez foydalaniladigan kompyuter o’yinlarida muvaffaqiyatga erishdik. Bizning dasturlarimizdan biri 49 xil Atari o’yinlarini noldan o’ynashni o’rgandi. Bizning AlphaGo dasturimiz ham birinchi bo’lib professional Go o’yinchisini mag’lub etdi va bu natija o’shanda o’z vaqtidan o’n yil oldinroq sodir bo’ldi deb ta’riflangan.

Bizning faoliyat tamoyillarimiz nimalardan iborat?

Biz ilm-fanni rivojlantirish va insoniyatga foyda keltirish uchun aql-idrokni tushunishga urinmoqdamiz. Ushbu missiyaning markazida AI sohasida mas’uliyatli shaxs sifatida harakat qilish, jamiyat ehtiyojlari va umidlariga xizmat qilish bizning majburiyatimizdir.

Biz 2014-yilda Google bilan kuchlarimizni birlashtirdik va ishimizni tezlashtirdik. Bizning dasturlarimiz ko‘z kasalliklarini xuddi dunyoning eng yaxshi shifokorlari kabi samarali tashxislashni, ma’lumotlar markazlarini salqin saqlash uchun sarflanadigan energiyaning 30 foizini tejashni va oqsillarning murakkab 3D shakllarini bashorat qilishni o‘rgandi – bu esa bir kun kelib dorilar ixtiro qilinishini o‘zgartirishi mumkin.

Biz uzoq muddatli missiyadamiz. Bizning yetakchi jamoamiz to’g’ri yo’nalishni aniqlashga yordam berish uchun kompaniyaning har bir qismida va undan tashqarida ishlamoqda. Bizning muvaffaqiyatimiz ko’plab jamoalarning umumiy maqsad uchun birlashishiga bog’liqdir. Hech bir fanda Sun’iy ongni yaratish uchun barcha javoblar mavjud emas va keyin biz ko‘plab qiziqarli yangi g‘oyalar turli sohalar o‘rtasidagi hamkorlikdan kelib chiqqanligini aniqladik.

Umid qilamizki, talabalarga va ularning kasbiy faoliyatida davom etayotganlarga, ularning kelib chiqishidan qat’i nazar, o’zlarining to’liq potentsiallariga erishishlariga yordam beramiz. Turli tashkilotlar bilan hamkorlikda yaratilgan stajirovka va stipendiya dasturlarimiz ilm-fandagi ishtirokni kengaytirish hamda tadqiqot va ta’lim kelajagini himoya qilishga qaratilgan.

Yosh tadqiqotchilar uchun imkoniyatlar

DeepMind Akademik stipendiya dasturi kompyuter fanlari va sun’iy intellekt sohalaridagi dastlabki marotaba tadqiqot qilayotganlarga postdoktoral ta’limni davom ettirish va ularga kelajakda to’liq akademik yoki boshqa ilmiy rahbarlik rollarini bajarishga imkon beradigan tajriba hamda tadqiqot profilini yaratish imkoniyatini beradi. Moliyaviy yordam bilan bir qatorda, DeepMind stipendiatlarga tajribali DeepMind tadqiqotchilari tomonidan maslahat olish imkoniyatini beradi.

Stipendiyalar Mashinalarni o’rganish, Informatika, Statistika yoki boshqa tegishli sohada doktorlik dissertatsiyasini tugatgan ilk marotaba tadqiqot qilayotganlar uchun ochiq. Biz, ayniqsa, qora tanli nomzodlarni ariza topshirishga undaymiz, chunki bu guruh hozirda AI tadqiqotlarida kam ishtirok etmoqda.

DeepMind Buyuk Britaniyaning uchta universiteti bilan DeepMind Fellowship dasturini ishga tushirish uchun hamkorlik qiladi. Hozirda barcha uch nafar stipendiya tayinlangan:

· London Qirolicha Meri Universiteti – Mashinalarni o’rganish bo’yicha ilmiy xodim;

· Kembrij universiteti – kompyuter fanlari bo’yicha ilmiy xodim;

· London Universitet kolleji – Barqaror sun’iy intellekt bo’yicha a’zo.

Foydalanilgan manba: