Ushbu maqola orqali siz qanday qilib texnik yozuvchi bo’lishni va qo’shimcha pul topish mumkinligini bilib olasiz.
Texnik yozuvchi kim?
Texnik yozuvchi – murakkab, texnik mavzularni aniq va qisqacha tushuntira oladigan yozuvchi hisoblanadi. Mavzular alohida tajriba talab qiladigan maxsus mavzularini o’z ichiga oladi. Ba’zan texnik yozuvchi ma’lum bir mutaxassislik sohasiga yopishib olishi ham mumkin.
Boshqa hollarda esa ular yanada yangi texnologiyalar va tushunchalarni tezda o’rganib olishga va o’quvchilarga batafsil yetkazib berishga tayyor bo’lishadi.
Ba’zida yozuvchi biron-bir mavzuni o’rganish uchun haftalar sarflagan taqdirda ham, muhim g’oya va tushunchani yetkaza olmasligi mumkin.
Ko’pgina mustaqil yozuvchilar har qanday mavzuda ham yozish qobiliyatiga ega bo’lmaydilar. Aytaylik, Upwork yozuvchisi munosabatlar, sog’liq, fitnes yoki pazandalik bilan bog’liq topshiriqlarni bajarishdan xursand bo’lishi shubhasiz. Shuningdek, ular sizning biznesingizning Internetdagi bosh sahifasi uchun sizga kontent yaratishlari ham mumkin.
Ammo agar siz o’sha yozuvchidan Python dasturlash tizimiga 10 000 so’zli matnni yozishni so’rasangiz, ular tezda bu topshiriqdan qochishni istab qolishadi. Nega deysizmi? Chunki bu mavzuni o’rganish va u haqida yozish uchun mutaxassis bo’lmagan odamdan juda ko’p vaqt talab qiladi! Yozuvchi mavzuni o’rganish uchun haftalar sarflagan taqdirda ham, ular o’zlarida kerakli tushunchani rivojlantira olmaydilar.
Xo’sh, kompaniya nima qilishi kerak? Ular muqobil ravishda Python dasturchisiga murojaat qilishlari mumkin. Biroq bu kabi yozuvchilarda o’quvchilarni jalb qiladigan darajada qiziqarli va tushunarli tarzda yozish qobilyatiga ega bo’lmasligi mumkin. Yozish juda murakkab jarayondir va bu ayniqsa maxsus mavzularda yaqqol ko’zga tashlanadi. Aynan shunday vaziyatlarda sizga texnik yozuvchilar yordamga keladi!
Kirish: Maxsus texnik yozuvchi
Python tilini yaxshi biladigan texnik yozuvchiga aylanganingizdan so’ng, siz “mutaxassis bo’lmagan” yozuvchiga qaraganda ancha yuqori stavka olishingiz mumkin. Shuningdek sizda juda ko’p raqobat ham bo’lmaydi. Yozishni biladigan va shu bilan birga Pythonni biladigan odamlar unchalik ko’p emas!
Bir so’z uchun 1-4 dollarga oddiy kopirayter sifatida ishlashingiz mumkin bo’lsa-da, texnik yozuvchi bitta 800 so’zli maqola uchun ming dollardan ko’proq pul topishi mumkin. Albatta, stavkalar juda xilma-xildir, lekin ba’zi texnik yozuvchilar nufuzli ilmiy jurnalda chop etilgan maqolalar uchun anchagina pul olishi haqiqat.
Texnik yozuvchilar uchun muhim ko’nikmalar
- Til va o’zaro muloqot qobilyati
- Mantiqiy izchillik
- Muammolarga tezda yechim topish
- Texnologiyalarga oid atamalarni bilish
- Aniq va tushunarli yozish
Yozishni biladigan va Pythonni biladigan odamlar unchalik ko’p emas!
Shaxsiy eslatma! O’ylaymanki, biron bir mavzuga chinakam ishtiyoqi bo’lgan mutaxassis har doim ham bu mavzuda ma’lumotga ega bo’lmagan buyuk yozuvchidan afzalroqdir. Nega? Chunki eng yaxshi maqolalar bu – baham ko’rilgan maqolalardir va mavzu jihatdan o’zaro bog’langan maqolalar bilimdonlar uchun chinakam yangi asoslarni hal qiladigan manbalar vazifasini bajaradi. Masalan, jang san’atlari haqida yozadigan jangovar bo’lmagan yozuvchi faqat Internetda topadigan past darajadagi xabarlarni qayta yozishga umid qilishi mumkin xolos. Haqiqiy jang san’ati tomoshabinlari esa bu kabi ijod mahsullarini qiziqarli deb topishlari qiyin!
Shuning uchun eng yaxshi texnik yozuvchilar bir nechta mavzularda yoza olishlari lozim.
Eng yaxshi texnik yozuvchilar bir nechta mavzularda yoza olishlari lozim.
Dasturlash bo’yicha ixtisoslashgan texnik yozuvchi o’zi yozadigan har bir dasturlash tilini yaxshi bilishi shart emas. Biroq, ularning asoslarni tushunishlari kerak: o’zgaruvchilar, sinflar va vazifalar. Shunday qilib, ular har qanday mavzu haqida yetarlicha ma’lumot olishlari va uni o’quvchiga yetkazib berishlari mumkin.
Eng muhim o’rganish va o’qitish : murakkab mavzularni tezda anglab olishdir.
Texnik yozuvchilar ham butunlay yangi mavzularni tushuntirish uchun yollanadi. Masalan, sizdan yangi apparat yoki dasturiy ta’minot uchun qo’llanma yozishingiz talab qilindi. Ko’pgina kompaniyalarda texnikaga oid matnlarni talab qiladigan sanoat bloglari mavjud. Texnik yozuvchilar darsliklar, onlayn kurslar, texnik jadvallar va boshqalarni yozish uchun ham yollanadi.
Agar siz texnik yozuvchi bo’lishni istasangiz, sertifikatlar, malaka, tajriba va katta mablag’ bo’lishi mumkin bo’lsa-da, haqiqiy mahorat tezda o’rganish va keyin uni o’rgatish uchun yetarlicha mavzuni tushuntirishda hisoblanadi. Bu esa texnik fikrlashni talab qiladi, lekin ishning foydali taraflari ham bo’lishi mumkin. Siz turli xil qiziqarli mavzularni o’rganishga muvaffaq bo’lasiz!
Qanday qilib texnik yozuvchi bo’lish mumkin
Xo’sh, bularning barchasi bilan qanday qilib texnik yozuvchi bo’lish mumkin? Asoslar har qanday mustaqil yozuvchi uchun bo’lgani kabi bir xil. UpWork va PeoplePerHour kabi saytlar mijozlarni topish va mahoratingizni reklama qilish uchun ajoyib platformani taqdim etadi.
Shuningdek, siz to’g’ridan-to’g’ri manbaga ixtisoslashgan veb-saytlar va bloglarni topib, ularni maxsus yo’riqnomalarini izlashingiz mumkin.
Shu bilan bir qatorda, texnik kitoblar ishlab chiqaradigan nashriyotlarga murojaat qiling yoki portfolio sifatida ishlash uchun o’z veb-saytingizni yarating. Qanchalik yuqori darajadagi ish bilan shug’ullansangiz, kelajakdagi mijozlarni shunchalik oson jalb qila olasiz. Yangi imkoniyatlarni qidirayotganda buni yodda saqlang.
Sertifikatlar va malakalar
Garchi bir nechta mavzularda yozishni taklif qilish foydali bo’lsa-da, ko’pincha ixtisoslik uchun bir yoki ikkita mutaxassislik sohasini topish yaxshi fikr. Agar sizda huquq yoki muhandislik darajasi bo’lsa, ammo siz hech qachon undan unumli foydalanmagan bo’lsangiz, ehtimol bu aynan sizning imkoniyatingizdir!
Dunyodagi deyarli har bir kishi o’ziga xos xohish yoki biron bir tajribaga ega. Xo’sh, nima uchun uni dunyo bilan baham ko’rmaysiz va bu bilim orqali pul ishlab topmaysiz?
Eng ko’p o’qilgan maqolalar